كيف تثبّتوا طريقة الكاروسيل داخل Skill

حوّلوا طريقة عمل الكاروسيل إلى Skill، واكتبوا الموضوع بسطرين بدل ما تعيدوا شرح المقاس والستايل كل مرة.

كل مرة بتستخدموا الذكاء الاصطناعي، ممكن تلاقوا حالكم بتشرحوا نفس التفاصيل من الصفر. الـ Skill هو ملف تعليمات بنكتبه مرة، والذكاء الاصطناعي بقرأه قبل ما يبدأ بالمهمة. بهالتجربة، صارت قواعد الكاروسيل محفوظة، وبعدها طلعوا ٦ صور بنفس الطريقة كل مرة.

نزّلوا الـ Skill الجاهز

هيدا هو الـ Skill الكامل يلي عم اشتغل فيه: قواعد المقاسات، خطوات التجميع، سكربتات بايثون جاهزة، وكل الدروس يلي تعلمتها من شغلات فعلية. نزّلوا الـ ZIP واعطوه للوكيل تبعكم ليقرأه.

جوة الملف:

• •SKILL.md: القواعد الكاملة، طريقة الشغل، والأخطاء يلي لازم تتفادوها.
• •scripts/assemble_3x4_standalone.py: يجمع ٦ سلايدات مستقلة بمقاس 3:4 لماستر مقفول 888×1776 ويصدّر كل سلايدة 1080×1440 مع ZIP.
• •scripts/contact_sheet_to_carousel.py: أداة تقسيم احتياطية للأوراق القديمة المدموجة.
• •tests/: اختبار يضمن المقاسات والمجلدات صح كل مرة.
• •references/: أدلة معمقة للتسجيل باللوحة، إصلاح النص العربي، والنشر عبر Instagram API.

الملف منظف من أي حسابات أو مسارات خاصة، ومناسب لأي وكيل AI عندكم. طريقة الاستخدام تحت.

قبل ما تبدأوا

• •ملف الشغل أو الـ ZIP اللي بدكم تحوّلوه لطريقة قابلة لإعادة الاستخدام. بالتجربة كان اسمه contact-sheet-carousel.zip.
• •أداة AI تقدروا ترفقوا فيها الملف. التسجيل استخدم ChatGPT Work، بس الفكرة مش مربوطة بأداة وحدة.
• •التفاصيل اللي بدكم تحفظوها داخل الـ Skill: المقاس، عدد السلايدات، والستايل.

الخطوة 1: ارفعوا مثال الكاروسيل

افتحوا أداة الذكاء الاصطناعي، واختاروا مسار Work إذا كان ظاهر عندكم. أرفقوا ملف contact-sheet-carousel.zip، لأنه المثال اللي بدكم الذكاء الاصطناعي يتعلم منه، مش ملف لازم تعيدوا شرحه كل مرة.

الخطوة 2: اطلبوا تحويل المثال إلى Skill

بعد إرفاق الملف، ابعثوا نفس الطلب اللي ظهر بالتجربة:

can you create this as a skill in here?

الطلب مربوط بالملف المرفق. الفكرة إن الذكاء الاصطناعي يأخذ التفاصيل المتكررة من المثال، مثل المقاس وعدد السلايدات والستايل، ويحطها داخل Skill قابل لإعادة الاستخدام.

الخطوة 3: راجعوا الناتج

قبل ما تعتمدوا الـ Skill، راجعوا إن التعليمات حفظت الأشياء اللي كنتوا تشرحوها كل مرة. بالتجربة، النتيجة كانت ٦ سلايدات أصلية بمقاس 1080×1440، مع metadata وملف ZIP، وظهروا كـ slide-01.jpg إلى slide-06.jpg.

إذا الـ Skill نسي قاعدة مهمة، اطلبوا من الذكاء الاصطناعي يعدّل ملف الـ Skill نفسه. هيك التصحيح بينحفظ للمرة الجاية بدل ما تعيدوا نفس الملاحظة داخل كل طلب.

الاستخدام بعد هيك

بعد ما يصير الـ Skill جاهز، اكتبوا موضوع الكاروسيل بسطرين. ما تعيدوا شرح المقاس، وعدد السلايدات، والستايل من جديد. الذكاء الاصطناعي بقرأ التعليمات المحفوظة وبيستخدمها مع الموضوع الجديد.

إذا ما زبط

إذا رجع يسألكم عن نفس التفاصيل أو طلع الناتج خارج القواعد، افتحوا ملف الـ Skill وعدّلوا التعليمات الناقصة. لا تصلحوا نفس الغلطة في كل prompt جديد.

النتيجة

صار عندكم workflow محفوظ بدل شرح طويل يتكرر. ابدأوا بمثال كاروسيل حقيقي، حوّلوه إلى Skill، راجعوا أول نتيجة، وبعدها خلّوا كل تعديل جديد يتحول إلى تحسين دائم.

احفظوا الصفحة وارجعوا لها لما تلاقوا حالكم بتعيدوا نفس التعليمات للذكاء الاصطناعي.