كيف تخلوا Claude يلغي اشتراك ElevenLabs ويرجّع المصاري
انخصم مني ٢٧ دولار على اشتراك ElevenLabs ما بدي إياه. فتحت إضافة Claude على Chrome، كتبت له القصة، وألغى الاشتراك ورجّع المصاري.
بهالدليل بتثبّتوا إضافة Claude من الرابط الرسمي، وبتطلبوا منها تلغي اشتراك وترفع طلب استرداد. نفس الطلب اللي اشتغل بالتجربة موجود تحت للنسخ. الدليل مستقل، بتقدروا تطبّقوا من غير ما تشوفوا أي فيديو.
متى بتحتاجوا هالطريقة؟
- •انخصم منكم اشتراك شهري نسيتوا تلغوه، وبدكم طلب إلغاء + استرداد
- •ما عندكم خلق تقعدوا تكنسوا الإعدادات وتتعاملوا مع خدمة العملاء
- •بدكم Claude يكبس داخل Chrome على حسابكم المسجّل دخول
قبل ما تبدأوا
- •اشتراك Claude مدفوع. الإضافة الرسمية متاحة على خطط Pro وMax وTeam وEnterprise
- •Google Chrome على الكمبيوتر. مش على الموبايل، ومش على Safari أو Edge
- •سجّلوا دخولكم على موقع الشركة بأنفسكم. لا تعطوا Claude كلمة السر أو بيانات الدفع
- •سجّلوا دخول الإضافة بنفس حساب Claude
الخطوة 1: نزّلوا الإضافة من الرابط الرسمي
أول رابط رسمي للتنزيل:
افتحوا الصفحة، اختاروا إضافة Chrome، واضغطوا Install.
بعدها كمّلوا على Chrome Web Store. تأكدوا إن الاسم Claude والرابط الظاهر claude.com، وبعدها Add to Chrome.
إضافة Claude على Chrome Web Store
ثبّتوا الإضافة في شريط Chrome وافتحوها. أول مرة سجّلوا دخولكم بنفس حساب Claude.
الخطوة 2: اكتبوا القصة، وخلّوه يتصرف
افتحوا لوحة Claude الجانبية داخل Chrome. اختاروا الموديل، والصقوا الطلب.
بهالتجربة كان Opus 5. هذا هو البرومبت الحقيقي حرفياً:
I forgot to cancel my subscription with elevenlabs and they billed me a monthly subscription. Can you please cancel my subscription and submit a refund request for the billing as i don't really intend to use it.
إذا المهمة على شركة ثانية، بدّلوا اسم الشركة فقط:
I forgot to cancel my subscription with [company] and they billed me a monthly subscription. Can you please cancel my subscription and submit a refund request for the billing as I don't really intend to use it.
إذا الشغل ماشي، راح يطلع شريط "Claude" started debugging this browser. Cancel بوقف التحكم فوراً.
الخطوة 3: خلّوه يلغي الاشتراك أولاً
أول شغل يعمله: يفتح صفحة الاشتراك ويكبس مسار الإلغاء. بالتجربة اختار Low usage وكتب:
I don't intend to use the service.
راجعوا اللي عم ينكبس. إذا وصل لخطوة ما بترجعوا عنها، وقفوه.
الخطوة 4: بعدها يفتح تيكت الاسترداد ويبعت
بعد الإلغاء، كمّل بمهمة ترجيع المصاري: فتح صفحة Submit a request، عبّى الفورم، وعمل Submit.
بالتجربة، خلال كم ساعة وصل إيميل إن المصاري رجعت.
النتيجة
- •الخصم كان ٢٧.٠٦ دولار بتاريخ ١٠ آب ٢٠٢٦
- •الاسترداد وصل ١٣ آب ٢٠٢٦ بنفس المبلغ
- •المهمة استهلكت تقريباً ٩٪ من حد الـ٥ ساعات على Opus
النتيجة مش مضمونة لكل شركة. هاي كانت حالة حقيقية لاشتراك ما انستخدم، مش وعد إن كل طلب استرداد بينقبل.
شو بتقدروا تطلبوا بعد هيك؟
بعد ما الإضافة تشتغل، نفس الأسلوب يمشي على مهام ثانية داخل Chrome. خلّوا الطلب واضح: شو صار، شو بدكم، ووين يوقف.
Cancel my unused [company] subscription and open a refund request. Stop and show me the form before you submit.
Fill this support form using the details I give you, but stop before submitting.
لسيناريو خدمة العملاء مع صورة وخصم: كيف خلّيت Claude يفاوض إيكيا
إذا ما اشتغل
- •تأكدوا إنكم على Google Chrome، مش Safari أو Edge
- •سجّلوا دخول الإضافة بنفس حساب Claude المدفوع
- •سجّلوا دخول موقع الشركة قبل ما تبدأوا المهمة
- •إذا ما شاف الصفحة، أعطوا الموقع صلاحية مرة واحدة واطلبوا منه يقرأ العنوان قبل أي كبس
- •لا تخلوه يكمّل دفع أو يغيّر طريقة الدفع أو يبعت شي نهائي بدون مراجعتكم
حدود مهمة
هذا التحكم داخل Chrome فقط. التحكم بالكمبيوتر كامل قصة ثانية.
إذا بدكم خريطة الربط الأوسع: إعداد Claude in Chrome
شاهدوا الفيديو
شاهدوا فيديو إلغاء ElevenLabs على YouTube
احفظوا البرومبت. ابدأوا بمهمة على حساب واضح، وراجعوا الإرسال قبل ما تعتبروا الشغل خلص.
إذا بدكم تعرفوا كيف تخلوا Claude يتحكم بالكمبيوتر كامل، مش بس بـ Chrome: هذا هو الدليل.
إذا بدكم نطبّق الفكرة على شغلكم ونطلع بنظام عملي تقدروا تستخدموه، احجز جلسة فردية معي.
احجز جلسة 1:1